byaheng MRT at LRT

Trapik, taas ng pamasahe, polusyon at marami pang ibang rason kung bakit mas pinipili na ng karamihan sa atin ang sumakay ng MRT or LRT sa araw araw nating pagbyahe sa kalungsuran. Eto ang ilang “facts” tungkol sa mga bagong paborito nating mode of transpo.

• MRT –tinatawag din etong BLUE line. Nasa gitna eto ng pinaka-abalang lansangan sa buong pinas….ang EDSA. Sakop ng MRT ang 16.9 km sa kabuuang haba ng EDSA na 24 km. Mula sa SM-North hanggang sa Edsa-Taft Terminal. Binubuo eto ng labingtatlong (13) istasyon. Isa sa pinakalayunin ng operasyon ng MRT ang magbigay ng regular at mas mabilis na transportasyon sa kahabaan ng Edsa.
• LRT 1 — tinatawag din etong YELLOW line. Eto ang pinaka-una sa 3 electronic train system natin sa pinas at kauna unahang LRT system sa Southeast Asia. Mula Monumento sa may Caloocan hanggang sa Baclaran ang ruta ng LRT 1  (15 km ang kabuuang haba ng rutang Monumento-Baclaran). May labingwalo (18) istasyon ang yellow line
• LRT 2 — ang Mega train o mas kilala sa tawag na PURPLE line ay may kabuuang haba ng 13.8 km mula Santolan hanggang Recto sa Maynila (bumabagtas eto sa 5 syudad ng Kamaynilaan tulad ng Pasig, Marikina, Quezon City, San Juan at Maynila). May labing-isang  (11) istasyon ang bumubuo sa LRT 2. Mas maluluwag ang mga tren dito kumpara sa 2 naunang train system natin. Isa rin daw ang LRT 2 sa mga pinaka modernong train system sa mundo ngayon. Kasama na rin sa plano ng pamunuan ng LRT ang pag-extend sa purple line hanggang sa Antipolo.

Kung tutuusin, malaking tulong talaga ang pagkakaroon ng ganitong klase ng transportasyon lalong lalo na sa lungsod. Bukod sa mabilis na byahe ay bawas polusyon din ang hatid ng train system (dahil kuryente ang nagpapatakbo sa mga tren). Darating ang panahon na aabot na rin ang MRT at LRT sa mga karatig probinsya ng Metro Manila.

UPDATE: Sa kasalukuyan, on-going na ang pag-aayos/paggawa sa LRT na magdudugtong sa Monomento, Caloocan at North Station ng MRT.

UPDATE 03-06-09: Caloocan-North MRT construction ay nasa tapat na ng SM north Edsa. Ilang buwan pa at tuluyan ng mai-kokonekta ang nasabing istasyon sa isa’t isa.